كشف حسام المندوه أمين صندوق نادي الزمالك، عن تفاصيل سحب أرض النادي بمدينة ٦ أكتوبر من قبل وزارة الإسكان.
وقال المندوه، في تصريحات مع سهام صالح، لبرنامج الكلاسيكو على فضائية ON: فوجئنا بقرار سحب ارض الزمالك في 6 اكتوبر، ودفعنا 40 مليون جنيه من فترة قصيرة رغم الظروف الصعبة.
وأضاف: جاءنا من أسبوع جواب بمهلة سنتين، ولكن فوجئنا بسحبها اليوم واحنا مصدقنا اننا نقوم على رجلنا وعملنا استثمارات كتير بأكثر من 200 مليون جنيه بكتير، وفي أقل من شهر كنا هنبني ملاعب وننقل الفريق هناك وكل ده وقف فجأة.
وواصل: القرار ده فيه شيء مش منطقي ونمتلك مستندات والنادي مش متحمل اي حاجة في الفترة دي، وهنتوصل مع وزير الاسكان ووزير الرياضة ورئيس الوزارة وكمان هنوصل الامور لرئيس الجمهورية عشان نصل لحل.
