كشف الفنان محمد إمام، تفاصيل الحريق الذي اندلع داخل أحد مواقع تصوير مسلسل الكينج باستوديو مصر بمنطقة المريوطية.
وقال إمام، عبر صفحته الرسمية بموقع التواصل الاجتماعي فيس بوك، قدر الله وما شاء فعل، والحمد لله على كل شئ، حريق كبير في لوكيشن تصوير مسلسل الكينج في ستوديو مصر، منطقة كاملة معمولة على أعلى مستوى.
وأكد محمد إمام، إنتاج ضخم من المنتج الكبير عبد الله أبو الفتوح، وابداع من مهندس الديكور تامر اسماعيل ومجهود كبير من أشطر المهندسين والعمال، بس ربنا أراد اللي حصل، والحمد لله فوق كل ده إن الإصابات كانت خفيفة وكل فريق العمل بخيرظ
ووجه الفنان محمد إمام، الشكر لوزارة الداخلية وقوات الدفاع المدني على مجهودهم وسط الحريق الضخم وكميات خشب ومواد سريعة الاشتعال، وشكر خاص للمنتج محمد السيد و فريقه وحوش الإنتاج اللي دخلوا جوه النار حرفيًا علشان يحاولوا ينقذوا أجهزة ومعدات وملابس، ناس بتحب شغلها بجد وبتضحي بنفسها عشانه.
واختتم محمد عادل إمام، أخيراً، شكر من كل قلبي لكل الناس والنجوم اللي كلموني واطمّنوا عليّ وعلى فريق العمل … ربنا يديم المحبة ويحفظ الجميع، اللي حصل اختبار صعب في وقت صعب .. بس ثقتنا في الله كبيره و إن شاء الله مكملين، دعواتكم لينا و لكل فريق عمل مسلسل الكينج، استنونا في رمضان 2026.
