كشف الفنان كريم فهمي، حرصه على زيارة طبيب نفسي منذ فترة، مؤكدًا أن الأمر طبيعي ولا يجب اعتباره عيبًا، مضيفًا: “أنا بروح لطبيب نفسي لحد دلوقتي، لأن كلنا عندنا مشاكل نفسية بشكل أو بآخر”.
وقال كريم فهمي، خلال لقاءه مع الإعلامية أميرة بدر، ببرنامج “أسرار”، مع الإعلامية أميرة بدر، اليوم السبت، :”اللي شايف إن اللي يروح عند طبيب نفسي عيب.. يبقى عنده مشكلة أكبر”، موضحًا أن الأمور والحياة تكون سهلة من خلال اللجوء للطبيب النفسي.
وأوضح كريم فهمي أن قراره باللجوء للطبيب النفسي جاء بعد مروره بمرحلة صعبة عقب فترة مرض تعرض لها، مضيفًا: “جت فترة كنت مخنوق شوية بعد فترة المرض، وكنت برفض أدوار كتير ومش فاهم السبب، فقررت أروح لدكتور نفسي”، ونوه بأنه زار أكثر من طبيب حتى وجد الشخص المناسب الذي يشعر معه بالراحة والثقة، مشيرًا إلى أن العلاقة بين الطبيب والمريض يجب أن تقوم على الثقة الكاملة لأن الطبيب يطّلع على أدق تفاصيل حياة المريض.
كريم فهمي لـ”أميرة بدر”: “كل ما أقرب اعمل مسلسل أو فيلم مع أحمد أخويا يحصل سر إلهي”
تحدث الفنان كريم فهمي عن إمكانية التعاون الفني مع شقيقه الفنان أحمد فهمي، قائلًا: “معرفش التعاون ده هيكون امتى، ممكن تسألوه هو وهو هيرد”، مؤكدًا أنه يتمنى ذلك بشدة، لكنه يرى أن المشروع يجب أن يكون مدروسًا جيدًا.
وقال كريم فهمي، خلال لقاءها مع الإعلامية أميرة بدر، ببرنامج “أسرار”، على شاشة “النهار”، : “طبعًا أتمنى أشتغل مع أحمد، هو نجم كبير وأتشرف بالشغل معاه، لكن إحنا الاتنين بنكتب، فالموضوع محتاج تحضير كويس ومش مجرد إننا نعمل فيلم وخلاص”.
وأشار كريم فهمي إلى أن هناك أكثر من مشروع كان من المفترض أن يجمعهما لكنه لم يكتمل، مضيفًا: “كل ما نيجي نشتغل مع بعض تحس إن في سر إلهي بيقول لنا مش دلوقتي”، موضحًا أنه كان هناك الكثير من الأعمال الفنية الذي من المقرر أن يشاركونوا معًا فيه، إلا أنه هناك خوف من عدم تحقيق النجاح.
وتابع: “في فرق كبير عندي بين الناجح والحلو، أنا عايز أعمل مشروع حلو، النجاح بتاع ربنا وتوفيقه، إنما أنا عايز أعمل حاجة لما أعملها تبقي قاعدة قدامي محترمها، ده المهم بالنسبة لي في الشغلانة دي كلها، إني أعمل حاجة بحبها وأحترم نفسي فيها والجمهور يحترمها، رقم واحد، رقم اتنين، رقم عشرة، رقم خمسة عشر، دي نشوفها بعدين”.
كريم فهمي لـ”أميرة بدر”: السوشيال ميديا عملت للرخيص قيمة.. سلاح ذو حدين ومؤذية
كشف الفنان كريم فهمي، عن هجومه الأخير على السوشيال ميديا، مؤكدًا أنه لا يحبها كثيرًا، قائلًا: “هاجمتها لما كنت بكتب على فيسبوك، وقولت إنها عملت للرخيص قيمة”.
وأضاف كريم فهمي، خلال لقاءه مع الإعلامية أميرة بدر، ببرنامج “أسرار”، على شاشة “النهار”، : “السوشيال ميديا سلاح ذو حدين، وممكن تكون مؤذية أحيانًا، وأنا بصراحة مابفهمش الصراع اللي بيحصل فيها”، موضحًا أنه كتب في الماضي منشورات هاجم فيها السوشيال ميديا، إلا أنه أدرك لاحقًا أن ليس كل الآراء يجب نشرها.
وأوضح كريم فهمي أن جيله تعلم استخدام السوشيال ميديا بالتجربة لأنها لم تكن موجودة من قبل، قائلًا: “الحقيقة مش كل حاجة ينفع تتكتب، دي من الحاجات اللي اتعلمناها في السوشيال ميديا، إحنا جيل السوشيال ميديا اتولدت على إيدينا، ما كانتش موجودة وبقت موجودة، فالجيل الأصغر لو قلت له ما كانش في سوشيال ميديا زمان هيستغرب، فإحنا اتعلمنا معاها إن مش كل آرائك ينفع تقولها”.
وتابع: “فكرة اللجان بتستفزني أوول، وأنا من أوائل الناس اللي اتكلمت عن موضوع اللجان، كنت بتهاجم منها، الفكرة إن ممكن حد يسلط لجنة على تفصيلة صغيرة عندك وسط حاجات حلوة كتير، فتتحول لقضية كبيرة”.
