في ظل التطور الكبير اللي يشهده قطاع الصيدليات في مصر، أصبحت المنافسة لا تعتمد فقط على بيع الدواء، بل على جودة الخدمة، وثقة المرضى، والقدرة على تقديم تجربة متكاملة تهتم بصحة الإنسان قبل أي شيء. ومن بين الأسماء التي استطاعت أن تترك بصمة واضحة في السوق المصري، يبرز اسم “صيدليات محمد طلعت” كواحدة من السلاسل التي اعتمدت على الأمانة والاهتمام الحقيقي بالمريض كأساس للنجاح والتوسع.
وفي حوار خاص لِـ”نيوز مصر” يكشف الدكتور محمد طلعت عن كواليس البداية، وأسرار النجاح، وخطط التوسع المستقبلية، ورؤيته لتطوير قطاع الصيدلة في مصر، إلى جانب الحديث عن التحديات التي تواجه سوق الدواء ودور الصيدليات في نشر الوعي الصحي بين المواطنين.واليكم نص الحوار:-
بداية.. حدثنا عن نقطة البداية في تأسيس صيدليات محمد طلعت؟
البداية كانت بحلم بسيط جدً، إني أكون “الصيدلي صاحب الرسالة”، مش مجرد مكان بيبيع دواء وبدأنا بفرع صغير، لكن كان عندنا إيمان إن الأمانة، والاهتمام بالمريض، والنصيحة الصح أهم من أي إعلان أو دعاية، وكنت شايف إن المريض محتاج حد يسمعه ويوجهه، وده اللي حاولنا نبنيه من أول يوم، والحمد لله ثقة المرضي كانت أكبر دافع للاستمرار والتوسع.
إيه السر وراء نجاح وانتشار سلسلة صيدليات محمد طلعت في السوق المصري؟
السر الحقيقي هو ثقة المرضي وإحنا بنعتبر كل عميل فرد من العيلة، وبنحاول نقدم خدمة تليق بيه سواء في جودة الدواء، أو سرعة الخدمة، أو المتابعة بعد البيع وكمان التطوير المستمر مهم جدًا سواء في التكنولوجيا، أو تدريب الفريق، أو إدخال خدمات جديدة تخدم المريض بشكل أفضل.
— خطتكم للتوسع في الفترة الجاية إيه.. وهل في نية لدخول أسواق خارج مصر؟
حاليًا مركزين على التوسع بشكل مدروس داخل مصر، خصوصًا في المناطق اللي محتاجة خدمة صيدلية متطورة ومحترمة وطبعًا أي نجاح داخل مصر ممكن يفتح الباب مستقبلًا للتفكير في التوسع الخارجي، لكن الأهم عندي إن أي فرع يحمل نفس الجودة والثقة اللي الناس عرفتنا بيها.
إزاي بتختاروا مواقع الفروع الجديدة؟
بنختار المكان بناءً على احتياج الناس الحقيقي للخدمة، وسهولة الوصول، والكثافة السكانية، وكمان مستوى الخدمة الطبية الموجودة في المنطقة.
الأهم إن الفرع يكون قادر يقدم قيمة حقيقية للناس، مش مجرد وجود تجاري وخلاص.
إزاي بتتعاملوا مع المنافسة الشرسة في سوق الصيدليات؟
المنافسة موجودة في أي مجال، ودي حاجة صحية جدًا. لكن إحنا بنركز على إننا ننافس نفسنا كل يو نطور الخدمة، ونحسن تجربة العميل، ونرفع مستوى الجودة وفي النهاية اللي بيحكم هو ثقة العميل واحترامه.
إيه أبرز الخدمات اللي بتميز صيدليات محمد طلعت عن غيرها؟
لدينا عدد من الخدمات الكتير بنفتخر بيها، مثل التوصيل السريع والشحن للمحافظات وخدمات التغذية العلاجية وقياسات الـ InBody ومتابعة العملاء بعد البيع، ولأيام الصحية المجانية والتوعية الطبية وتوفير أحدث الأجهزة والخدمات داخل الفروع وكمان وجود موقع إلكتروني وتطبيق لتسهيل الخدمة على الناس.
هل في خطط لإدخال خدمات جديدة زي الاستشارات الطبية أو التوصيل الذكي؟
أكيد، إحنا مؤمنين إن مستقبل الصيدلة بيعتمد على التكنولوجيا والخدمة الذكية وشغالين على تطوير خدمات الاستشارات والمتابعة بشكل أكبر، وتحسين أنظمة التوصيل، وتسهيل وصول المريض لاحتياجاته بأسرع وأأمن طريقة ممكنة.
إزاي بتضمنوا جودة الدواء وسلامة التخزين؟
دي من أهم الحاجات عندنا، لأن الدواء أمانة وبنلتزم بمعايير التخزين السليمة، والمتابعة المستمرة لدرجات الحرارة، والتعامل مع مصادر موثوقة فقط.
وكمان فريق العمل بيتدرب باستمرار على معايير الجودة والسلامة الدوائية.
ما أسباب ارتفاع أسعار الأدوية في الفترة الأخيرة؟
في عوامل كتير أثرت على سوق الدواء، زي ارتفاع تكلفة المواد الخام، والشحن، وسعر العملة، والتكاليف التشغيلية بشكل عام لكن رغم ده، دور الصيدلي مهم جدًا في إنه يساعد المريض يلاقي البديل المناسب، ويوجهه للاستخدام الصحيح بدون تحميله تكلفة زيادة.
إزاي ممكن الصيدليات تساهم في رفع الوعي الصحي؟
الصيدلية دلوقتي بقت جزء أساسي من التوعية الصحية، مش مجرد مكان لصرف الدواء من خلال المحتوى الطبي الموثوق، والحملات الصحية، والنصيحة المباشرة للمرضى، نقدر نساعد الناس تحافظ على صحتها وتتجنب أخطاء كتير وده سبب اهتمامنا الكبير بالسوشيال ميديا والفعاليات المجتمعية.
إيه حلمك الأكبر لسلسلة صيدليات محمد طلعت خلال 5 سنين؟
حلمي الحقيقي إن اسم “صيدليات محمد طلعت” يرتبط عند الناس بالثقة والأمانة والجودة في كل مكان.
مش هدفي أبقى الأكبر في عدد الفروع… قد ما هدفي أبقى الأفضل في الخدمة والتأثير الحقيقي في حياة الناس.
كلمة أخيرة تحب توجهها لعملائك؟
أحب أشكر كل عميل وثق فينا ودعمنا من أول يوم. ووعدنا إننا نفضل دايمًا نحارب علشان نقدم أفضل خدمة ممكنة، بأمانة واحترام وضمير وهنفضل دائمًا عند حسن ظنكم لأن نجاحنا الحقيقي هو ثقة الناس فينا.
