علقت الإعلامية لما جبريل على الجدل الكبير الذي صاحب إعلان الفنان أحمد السعدني زواجه من الكاتبة ميرنا الهلباوي قبل أيام.
وقالت لما جبريل، خلال فقرتها ببرنامج “الحكاية” مع الإعلامي عمرو أديب على شاشة إم بي سي مصر: “زواج أحمد السعدني وميرنا الهلباوي، الطبيعي ونبارك وتنمنى أمنيات سعيدة ولكن حصل غير كده، في هجوم وانتقادات على ميرنا الهلباوي لأسباب غير مفهومة، الحقيقة اني ممكن اتفهم ان الجمهور تفهم من الخبر لان مكنش في اي بوادر والموضوع كان مفاجأة مع ان ده حقهم الطبيعي”.
وتابعت لما جبريل: ” الهجوم لشخص ميرنا مش مفهومة وان الناس شايفة أن السعدني يستحق أحسن منها وعارفين مصلحته أكتر منه، وهي بقى يقولوا ليها يابنتي تتجوزي حد أكبر منك وكان متجوز وعنده عيال”.
وأضافت لما جبريل مستنكرة: “الحقيقة مش عارفه ايه وصلنا لكده وليه التفاصيل الشخصية بندخل فيها؟؟ بقينا سخنين اوي كده ليه؟ مش قادر تتمنى الخير بارك.. خليني أبارك لأحمد السعدني وميرنا وعلى فكره كاتبة كبيرة وليها مبيعاتها وأرقامها على السوشيال ميديا”.
لما جبريل: ياريت الرجالة تتعلم من حسام حسن
أشادت الإعلامية لما جبريل، بموقف العميد حسام حسن مدير منتخب مصر، بتواصله المستمر مع زوجته دان، وذلك بعد مبارايات مصر في المونديال، ناصحة الرجال بالتعلم منه وأخذه قدوة.
وقالت لما جبريل خلال فقرتها ببرنامج “الحكاية” مع الإعلامي عمرو أديب: “عميد رجالة العالم، وفي عز الدوشة والحوارات وكأس العالم وسط نلغي الماتش ولا لا.. ضرب مثل في الروقان وصعد بمصر ، وخلص وكلم شريكة حياته وفضل يكلمها وسمع الأغنية اللي غنتهاله كاملة في فيديو كول لحد أخر ثانية بدون أي كلل او ممل”.
وتابعت لما جبريل: ” ولا قال عندي اجتماع مع الفيفا ولا دماغي مشغولة وكأن مافيش في الدنيا كلها غيرها، رسالتي لكل الرجالة اتعلموا من العميد حسام حسن في عز المونديال والفراعنة بيكلمها، الستات بتحب تحس انها رقم واحد في وقتك، العميد لقي وقت يسمع ويدلع ف انت حضرتك مفيش اي حجة.. وربنا يسعد العميد ويرزقه طولة البال ويرزقه المكسب في المونديال”.
يذكر أن الإعلامية لما جبريل تقدم فقرة متخصصة في التريندات ببرنامج “الحكاية” مع الإعلامي عمرو أديب عبر قناة “إم بي سي مصر”، أسبوعيًا يومي الأحد والاثنين، وتتناول من خلالها ما يحدث على السوشيال ميديا، طوال الأسبوع وكيف يتفاعل معها الجمهور.
