علقت الإعلامية لما جبريل، على تصريحات الفنانة دينا عن الزواج، واقتراحها بضرورة وجود عقد للزواج بين الطرفين، ومن الممكن انتهاؤه بعد عامين، مما اثار جدلًا واسعًا.
وقالت الإعلامية لما جبريل خلال فقرتها ببرنامج “الحكاية” مع الإعلامي عمرو أديب، : دينا قالت إن الجواز يكون عقد مؤقت، وأن أسعد لحظات حياتي وأنا مش متجوزة ولو هيكون بعقد مؤقت لسنتين ونفركشه يكون أحسن، عمل زلزال، الناس شافت أن إزاي فنانة تروج لأفكار ممكن تهد استقرار البيت، وده في الوقت اللي بنحارب فيه عشان نقلل معدلات الطلاق والخلع”.
وتابعت لما جبريل: إزاي نطلع للناس ونقول جربوا سنتين ولو منفعش نفسخ العقد، الأزهر قفل الباب ده تمامًا لما طلع موضة جواز التجربة وحرمه تماما وقال أن الجواز ميثاق، واحنا اصلا بنعاني من زيادة في نسبة الطلاق، وده اللي بيأثر على نفسية الأطفال ونستغرب ليه البيوت مبقاش فيها بركة في البيوت، وطول ما في أصوات كده مش هيبقى في أمان ولا استقرار، ودينا عبرت عن راحتها أنها سنجل، ولكن تحويل النظام الأسري لسبوبة عقود مؤقتة، المجتمع مش هيقبله ولا الدين هيسكت عليه”.
يذكر أن الإعلامية لما جبريل تقدم فقرة متخصصة في التريندات ببرنامج “الحكاية” مع الإعلامي عمرو أديب عبر قناة “إم بي سي مصر”، أسبوعيًا يومي الأحد والاثنين، وتتناول من خلالها ما يحدث على السوشيال ميديا، طوال الأسبوع وكيف يتفاعل معها الجمهور.
